Kastro Zizo ishte i ftuar dje në emisionin “Pop Culture”. Në studio ai flet për karrierën e tij artistike, si aktorë filmi, teatri, këngëtarë edhe moderator.
Ai shprehet se është shumë i lumtur për eksperiencën e tij televizive dhe se gjithçka ka shkuar shumë mirë. Gazetarja e pyet se: Cilin personazh të njohur nuk do ta ftoje në emision? Kastro u përgjigj “nuk kam”.
Por mesa duket u mendua pak dhe u kujtua për Blendi Fevziun: “Nuk kam asgjë personale me të. As vetë nuk e di se çfarë nuk shkon. Ka disa vjet që nuk flasim. Mesa di unë ne nuk jemi zënë kurrë. Unë nuk kam qenë kurrë i ftuar në studion e tij, që ka marr nga balta deri te kryeministri. Kam përshtypjen se nuk do e ketë me mua por me figurën time që kam krijuar” – tha ai.
Por përveç jetës së tij artistike ai flet dhe për jetën private.
Kasto Zizo na bën me dije se po bëhet baba për herë të dytë. Ai është në pritje të një djali dhe shprehet se mezi po e pret të vij në jetë.
Në fund ai bën edhe një urim për gjithë Shqiptarët: “Ju lutem Shqiptarë largohuni sa më shumë nga politika dhe duajeni njëri-tjetrin, dhe kalofshi sa më mirë”.
Përgatiti: Enkeleda Fishekaj
