Rusia njofton: Raketat tona hipersonike po funksionojnë. Është armë e re, “e pathyeshme”, ka deklaruar Putin.
Pas pagëzimit javën që shkoi nga Donald Trump të Forcave Hapësinore Amerikane, Rusia nga ana e saj përshpejtohet në garën e re të armëve dhe në fushën e raketave, duke kapërcyer Shtetet e Bashkuara: Ministri i Mbrojtjes Sergei Shoigu ka njoftuar zyrtarisht Presidentin Vladimir Putin që regjimenti i parë i raketave, i pajisur me raketa strategjike hipersonike Avangard, sot ka “hyrë në shërbim, në orën 10 të mëngjesit me orën e Moskës”.
Bëhet fjalë për një armë të re, “të pathyeshme” që Putini kishte njoftuar një vit më parë, domethënë një raketë të aftë të arrijë, sipas burimeve zyrtare ruse, një shpejtësi në atmosferën e Mach 27, rreth 33,000 kilometra në orë. Në fakt, ajo është e aftë të godasë çdo objektiv brenda pak minutash. Gjithashtu është e aftë, vuri në dukje Putin, për të bërë kthesa të shpejta dhe papritmas duke ndryshuar lartësi, duke u bërë kështu gati e pamundur të përgjohet. Nuk është për t’u habitur. Disa ditë më parë Putin mburrej se Rusia është bërë vendi i vetëm në botë që vendosi armë hipersonike.
Gjatë Luftës së Ftohtë, kujtoi ai, Bashkimi Sovjetik ndoqi SHBA-të në hartimin e bombës atomike dhe ndërtimin e bombave strategjike dhe raketave balistike ndërkontinentale. “Tani kemi një situatë që është unike në historinë moderne: janë ata që përpiqen të na arrijnë. Asnjë komb i vetëm nuk ka armë hipersonike, e lëre më ato të një niveli ndërkontinental”.
Burimi: ansa.it
Përgatiti: L.Veizi
