Kryeqyteti Serb, Beogradi është përballur me një tjetër protestë kundër qeverisë këtë të shtunë duke e çuar numrin e tyre këtë vit në 56. Kanë qenë mbi 1000 persona, të cilët kanë organizuar protestën me moton “Një në pesë milion”.
Moto kjo, e cila është kundër veprimeve të disa qeveritarëve dhe politikave të Aleksandar Vuciç.
Protestuesit kanë vendosur pankarta pranë Radio Televizionit të Serbisë duke numëruar të gjitha skandalet që përfshijnë zyrtarët e lartë publikë.
Ata kanë përmendur disa raste duke përfshirë një fermë të quajtur “Jovanjica”, në të cilën ishte kultivuar marihuana si dhe rastin e Oliver Ivanoviç, politikanit opozitar në Kosovë që u vra më 2018-ën.
Në protestat e mëparshme është bërë thirrje edhe për lirinë e medieve, ndërsa ajo e radhës është planifikuar më 4 janar./Fjala.al
