Rusia nuk mund të ambientohet dot me motin e mirë që ka rënë këtë fundvit. 2019 është absolutisht dhjetori më i ngrohtë që nga viti 1886 dhe kjo ka krijuar konfuzion te rusët.
Autoritetet e Moskës janë munduar që të mbajnë “çoroditjen” e popullsisë në kontroll, duke hedhur borë artificiale në qendër të qytetit. Kjo ka ndryshuar disi emocionet e qytetarëve, të cilët janë mësuar vazhdimisht me temperatura të ulëta që në vjeshtë.
Komentet lidhur me borën artificial të Moskës kanë qenë nga më të ndryshmet. Disa mendojnë se me buxhetin e Moskës mund të blihet gjithçka, duke përfshirë edhe dimrin. Ndërkohë që të tjerë e kanë lidhur këtë fatkeqësi të mungesës së dimrit me ngrohjen globale.
Dimri dhe temperaturat e ulëta ka luajtur një rol të rëndësishëm në historinë e Rusisë. Ka qenë dimri i egër dhe vodka ruse e cila ka bërë që të mposhtet Hitleri gjatë Luftës së Dytë Botërore.
Ai ishte padyshim dimri, i cili ndryshoi gjithë historinë e njerëzimit. Hitleri dhe Stalini e panë Moskën si një betejë të gjatë, e cila u luftua për një periudhë prej rreth 200 ditësh, nga 30 shtatori 1941 deri më 10 prill 1942. Hitleri e quajti atë “Operacioni Tajfun”. Numri i trupave të përfshira në të ishte 7 milionë ushtarë, sa dyfishi i atyre në Stalingrad. Ndërsa humbjet 2.5 milionë ushtarë, qenë më shumë se dyfishi i atyre në Stalingrad./Fjala.al
