Merr fund misteri i “Sindromës Havana”? Lidhjet me Rusinë kreun e Kremlinit

113 563 lexime

124,178FansaPëlqeje

“Sindroma Havana” ka qenë prej vitesh i mbuluar nga një hije misteri për sa kohë që nuk dihej shkaku i saj, por duket se kjo ka marrë fund.

Një raport i ri duket se lidh simptomat nga të cilat vuajtën disa diplomatë amerikanë me Rusinë dhe shërbimet e inteligjencës së Putinit.

“Sindroma Havana”, që e ka marrë emrin nga kryeqyteti i Kubës, Havana, aty ku edhe u zbulua rasti i parë në vitin 2016, preku diplomatë amerikanë, zyrtarë të Shtëpisë së Bardhë, CIA-s dhe FBI-së.

Ata ankoheshin nga marramendje, dhimbje koke, vështirësi në përqendrim dhe një tingull intensiv dhe të dhimbshëm në veshët e tyre.

BBC raporton se sipas një raporti të ri, kjo sindromë lidhet me armë të cilat funksionojnë me valë zanore të cilat janë përdorur nga shërbimet e inteligjencës ruse.

Moska ka mohuar çdo përfshirje dhe zyrtarët amerikanë kanë thënë se nuk ka gjasa të fajësohet një fuqi e huaj.

Por në vlerësimin e tyre për “incidentet anormale shëndetësore” – të bëra vitin e kaluar – ata nuk dhanë asnjë shpjegim alternativ.

Hetimi i ri i medias pretendon se operativë nga një njësi e inteligjencës ushtarake ruse, e njohur si 29155, mund të kenë shënjestruar trurin e diplomatëve amerikanë me armë energjetike.

Ai thotë se ka prova që vërtetojnë se anëtarë të njësisë ishin vendosur në qytete anembanë botës në momentet kur personeli amerikan raportoi incidente.

Si pjesë e hetimit, The Insider – një faqe e fokusuar në Rusi – gjithashtu raportoi se oficerët në njësinë 29155 ishin shpërblyer për punën e tyre në lidhje me zhvillimin e “armëve akustike jo-vdekjeprurëse”./e.t

Të fundit

Moment historik/ Shkencëtarët kinezë zhvillojnë kurën për shërimin e diabetit

Në një moment historik të rëndësishëm të mjekësisë, shkencëtarët kinezë kanë shëruar me sukses diabetin tek një pacient duke...

Merret vendimi, vizitorët do paguajnë më shumë për të vizituar Kullën Eiffel

Këshilli i qytetit të Parisit ka rritur çmimin e hyrjes në Kullën Eiffel për të mbledhur më shumë para për restaurimin e kullës, pasi...

Pse flamingot janë rozë?

Flamingot janë të njohur për pendën e tyre të gjallë rozë, e cila mahnit vëzhguesit në mbarë botën. Faktori mbizotërues që kontribuon në ngjyrën...

Asfaltimi i rrugëve në Farkë, Veliaj: I japim vlerë si qendrës, ashtu edhe periferisë

Ekipet e terrenit në Bashkinë e Tiranës kanë vijuar punën asfaltimin e rrugëve në zonën e Farkës, në kryeqytet. Veliaj shprehet se puna po vijon...

Profesionet e lira/Drejtoria e Tatimeve sqaron përditësimin e kodit ekonomik për bizneset

Drejtoria e Përgjithshme e Tatimeve ka sqaruar se bizneset që nuk ofrojnë shërbime profesionale sipas përcaktimeve të vendimit me listën analitike, por ndërkohë figurojnë...

Lajme të tjera

Web TV