Kryetarit të bashkisë Lushnjë, Fatos Tushe, i është bërë atentat mëngjesin e sotëm në ambientet e bashkisë.
Raportohet se ai është plagosur nga një granatë që ka shpërthyer në zyrën e tij. Nga shpërthimi ka mbetur i plagosur edhe një person tjetër, sekretarja e bashkisë së Lushnjes, Erisa Qalliu.
Bëhet e ditur se Tushe dhe Qalliu ndodhen në spitalin e Lushnjës jashtë rrezikut për jetën.
Dyshohet se granata është hedhur nga ish- shoferi i ish-kryebashkiakut të Lushnjes, Gëzim Saraçi, i cili është shpallur në kërkim.
Ngjarja ka ndodhur mëngjesin e sotëm, në momentin kur Tushe ka shkuar në zyrë, kur është paraqitur me granatë atentatori.
Dyshohet se në momentin e largimit ai është ndihmuar edhe nga persona të tjerë.
Lidhur me këtë ngjarje është njoftuar edhe kryeministri i vendit Edi Rama, dhe kryeprokurori Olsian Çela.
“Në përditësim”
