2 persona kanë mbetur të plagosur si pasojë e një konflikti me thika në Sukth të Durrësit. Njëri prej tyre është dërguar në gjendje të rënduar në Spitalin e Durrësit, i cili e ka dërguar me urgjencë për në Tiranë, për mjekim më të specializuar.
Autori me inicialet A.M menjëherë pas ngjarjes, është larguar, duke u shpallur në kërkim policor.
Njoftimi i policisë:
Më datë 31.12.2019, në Sukth, si pasojë e një konflikti të çastit, janë plagosur me mjet prerës (thikë) shtetasit Rr.O., 40 vjeç dhe K.O., 21 vjeç, të cilët ndodhen në spital nën kujdesin e mjekëve jashtë rrezikut për jetën.
Nga veprimet e para hetimore dyshohet se autor i kësaj ngjarje është shtetasi A.M., i cili është shpallur në kërkim dhe po punohet për kapjen e tij./Fjala.al
