Ndërkohë që bota është duke festuar Vitin e Ri, Iraku është përballur këtë të martë me protesta të dhunshme. Situata ka dalë jashtë kontrollit pasi mijëra protestues sulmuan të martën “Ambasadën Amerikane” në kryeqytetin e Irakut.
Kjo ishte një shenjë reagimi ndaj sulmeve ajrore të SHBA, të cilat lanë të vrarë shumë së 25 luftëtarë në fundjavë. Burra dhe gra, marshuan nëpër pikat e kontrollit në ‘Zonën e Gjelbër’, e cila është me siguri të lartë në Bagdat.
Ata tundnin flamuj në mbështetje të Hashed al-Shaabi, një rrjet i grupeve të armatosura që është përfshirë shumë në forcat e sigurisë.
Sipas ligjit në fjalë, Hashd Al Shaabi njihet si një institucion legjitim në Irak që ka detyra të përcaktuara. Në bazë të këtij ligji, Hashd Al Shaabi do të jetë plotësisht nën urdhrat e komandës së përgjithshme të forcave të armatosura të Irakut.
Hashd Al Shaabi akuzohet për sektarizëm në një kohë kur shumë nga komandantët e këtij grupi që kanë marrë pjesë në operacionin për çlirimin e Mosulit, janë sunitë.
Burimet zyrtare irakiane bëjnë të ditur se nga 141 mijë forca të Hashd Al Shaabit, 25-30 mijë prej tyre janë nga fiset sunite dhe mbi 30 mijë të tjerë janë nga bashkësia turke e Irakut./Fjala.al
