Projekti i shumë përfolur që prej tetorit të vitit të kaluar, Mini-Schengen është një iniciativë e propozuar nga Serbia me qëllim heqjen e të gjitha barrierave.
Kështu është shprehur ministri i Jashtëm serb, Ivica Daçiç, i cili nuk ka harruar të përmendi përsëri taksën 100% të mallrave që vijnë nga Serbia. Është pikërisht kjo taksë, e cila ka shtuar shqetësimin e Beogradi, i cili i mëshon faktit se heqja 100% e saj do të hapë rrugën për heqjen e të gjitha barrierave mes dy shteteve.
“Unë mendoj se jemi larg nga ai (vazhdimi i dialogut), sepse institucionet e Kosovës duhet të krijohen. A do të krijohen apo jo është një pikëpyetje e madhe. Taksa është një vendim që se ka parë historia, kështu që ne nuk e konsiderojmë Kosovën si një shtet tjetër dhe këtu nuk bëhet fjalë për raporte bilaterale .
Beogradi propozon Mini-Schengen, heqjen e të gjitha barrierave, dhe Prishtina vendos taksë 100%. Është totalisht një vendim kundër përpjekjeve për normalizim dhe pajtim në gjithë rajonin. Ne nuk jemi shumë optimist rreth kësaj, por ne do të shohim si do të rrjedhë situata. Në çdo rast Serbia do të jetë një faktor konstruktiv”, ka thënë Ivica Daçiq./Fjala.al
