Shërbimi Meterologjik Ushtarak njofton se edhe ditët e para të vitit të ri 2020-të do të jenë me mot të kthjellët.
Sipas parashikimit, edhe sot më 2 janar moti do të vijoj të jetë i kthjellët në të gjithë territorin, por për këtë ditë pritet përsëri një rënie e ndjeshme e temperaturave në vlerat minimale.
Në zonat malore temperaturat minimale do të arrijnë vlerat prej -8ºC në zonat malore, -5ºC në zonat e ulta dhe 0ºC në ato bregdetare. Sa i përket vlerave të mesditës ato si këto ditë nuk do të kalojnë vlerat prej 12-13ºC në zonat e ulëta dhe ato bregdetare.
