Policia londineze ka arritur të arrestojë një person, i cili është listuar nga Interpol Tirana si një prej shqiptarëve më të kërkuar në botë.
Bëhet fjalë për Dëfrim Isiberin, i cili vitin 1997, te hotel “Gjallica” në Kukës ai goditi, me armë për vdekje një roje sigurie, i cili disa muaj më pas ndërroi jetë në spital.
Dëfrim Isiberi po në këtë vit do të futej ilegalisht në Angli ndërkohë që drejtësia shqiptare e dënoi në mungesë me 20 vite burg. Megjithëse në kërkim nga drejtësia shqiptare, Dëfrim Isiberi në vitin 2011 kishte postuar një video në YouTube duke luajtur futboll.
Nga kjo video polica angleze mundi të përftojë një imazh të ri se si dukej i shumëkërkuari i drejtësisë shqiptare. Isiberi në Angli përdorte një identitet të rremë nën emrin Agim Mema. Megjithëse ishte i kërkuar për vrasje në Shqipëri, Isiberi kishte gjetur guximin të aplikonte për nënshtetësi britanike madje merrte edhe asistencë sociale si person në nevojë./Fjala.al
