Kuvendi i Republikës së Maqedonisë së Veriut pritet që sot ta zgjedhë qeverinë teknike në prag të zgjedhjeve të parakohshme parlamentare që duhet të mbahen më 12 prill të 2020.
Qeveria teknike duhet të zgjidhet deri në mesnatë, ndërsa ditën e nesërme supozohet që ajo të nisë punën për organizimin e të lira e demokratike. Qeveria teknike si rregull formohet 100 ditë para zgjedhjeve.
Procedura fillon me dorëheqjen e kryeministrit Zoran Zaev, një veprim që ai e paralajmëroi duke caktuar datën 3 janar.
Këto zhvillime u paraprinë pasi Maqedonia e Veriut nuk mori dritë jeshile për fillimin e bisedimeve në samitin e BE-së në tetor, duke e detyruar kryeministrin Zaev të shkojë në zgjedhje të parakohshme.
Qeveria teknike formohet me shumicë të thjeshtë. Kjo do të jetë qeveria e dytë teknike para mbajtjes së zgjedhjeve të parakohshme parlamentare./Fjala.al
