Shqiptarët vuajnë në radhët e gjata të kalimit të kufirit, si para ashtu dhe pas festave. Dhe kjo është bërë një moto e zakonshme tanimë.
Gjatë ditës së sotme në stacionin kufitar të Kakavijës është regjistruar një fluks i lartë i lëvizjes së këmbësorëve dhe automjeteve në drejtim të Greqisë, duke krijuar radhë në sportelet e kontrollit të dokumenteve.
Sipas burimeve zyrtare në Policinë Lokale gjatë mëngjesit dhe mesditës të së premtes nëpërmjet doganës së Kakavijës udhëtuan ne drejtim të Greqisë rreth 5 mijë persona.
Policia kufitare ka punuar me katër sportele në dalje të tokës shqiptare ndërsa ajo greke me dy sportele.
Fluksi i lartë i daljeve nga toka shqiptare në doganën e Kakavijës pritet të vazhdojë dhe gjatë fundjavës.
