” Trump është i çmendur, mos mendoni se gjithçka ka përfunduar me martirizimin e babait tim,” tha vajza e komandantit ushtarak iranian Qassem Soleimani, Zeinab Soleimani.
Deklarata e fortë e vajzës së Suleimanit u bë ceremoninë e varrimit të gjeneralit. Dhjetëra mijëra iranianë vërshuan sot në rrugët e Teheranit për ceremoninë e varrimit.
Vajza e Suleimanit duke ju drejtuar turmës së mbledhur kërcënoi se SHBA-të dhe aleati i tyre, Izraeli, do të jetojnë “ditë të zeza”.
“Familjet e ushtarëve amerikanë në Lindjen e Mesme do të kalojnë ditët e tyre duke pritur vdekjen e fëmijëve të tyre,” paralajmëroi vajza e gjeneralit të vrarë, ndërsa turma brohoriste “Vdekje për Amerikën”.
Të shtunën, ajo gjithashtu bëri pyetjen “kush do të marrë hak për vdekjen e babait tim”? Presidenti iranian Hassan Rouhani iu përgjigj: “Të gjithë ne”.
Turma në Teheran, për të cilën media shtetërore tha se numëronte në miliona, kujtoi masat që u mblodhën në 1989 për varrosjen e themeluesit të Republikës Islamike, Ayatollah Ruhollah Khomeini.
Soleimani ishte një hero kombëtar në Iran – madje edhe për shumë njerëz që nuk e konsiderojnë veten mbështetës të pushtetarëve klerikë të Iranit.
Vrasja e Soleimanit, arkitekti i Iranit për të shtrirë ndikimin në Lindjen e Mesme, ka ngjallur shqetësim në mbarë globin se një konflikt i gjerë rajonal mund të shpërthejë.
Së bashku me Soleimanin sot u varros edhe udhëheqësi i milicisë irakiane Abu Mahdi al-Muhandis, i cili gjithashtu vdiq në sulmin e së premtes në Bagdad. /Fjala.al
