Kampionët ende në fuqi të Bundesligës gjermane, Bayern Munchin ndodhet aktualisht në Doha të Qatarit, ku janë duke zhvilluar fazën përgatitore për pjesën e dytë të sezonit 2019-2020.
Në postimin e disa “Insta story”, gjermanët kanë treguar sot pak nga përgatitjet e tyre, por në të njëjtën kohë nuk kanë harruar të bëjnë një urim për sulmuesin Jann Fiete Arp.
Fiete Arp feston sot 20-vjetorin e tij, dhe në videon e postuar nga klubi ai shfaqet duke u stërvitur pranë shokëve të skuadrës.
Në postin e urimit të Bayern shkruhet, djali që ka ditëlindjen, “Birthday boy” dhe i është bërë tag dhe lojtarit.
Kujtojmë se faza e parë e këtij sezoni nuk ka qenë aspak e mirë për skuadrën e Bayern, të cilët momentalisht ndodhen në vend të tretë me 33 pikë, dy pikë diferencë nga vendi i dytë që mbahet nga Monchengladbach dhe me katër pikë nga vendi i parë i Leipzig./Fjala.al/ Përgatiti: Katerina Tafa/
