Ndërsa lotët rridhnin në sytë e qindra njerëzve që ndodheshin në kishë, të cilët ishin gati të shpërthenin emocionalisht nga njëri moment në tjetrin, trimëria dhe pafajësia e një vajze të vogël solli një buzëqeshje në fytyrat e tyre.
Charlotte O’Dwyer është shumë e vogël për të kuptuar që ajo kurrë nuk do ta shohë më babanë e saj Andrew, e për më tepër që ai nuk do të jetë atje në ditën e saj të parë të shkollës, ose ditën e fundit të shkollës, ose në gjendje ta shoqërojë atë në altar në ditën e saj të martesës.
Ajo do të rritet pa baba, por njerëzit gjithmonë do ti kujtojnë asaj se babi i saj ishte një hero. Z. O’Dwyer kishte shërbyer si zjarrëfikës për 18 vite
Zoti O’Dwyer, 36 vjeç dhe kolegu i tij Geoffrey Keaton gjetën vdekjen më 19 dhjetor, kur kamioni me të cilin ata po udhëtonin doli nga rruga dhe u godit me një pemë ndërsa ishin në krye të detyrës duke luftuar një zjarr të egër në Buxton, në jug të Sidney-t.
Ndërsa vajtuesit po dëgjonin mbi përpjekjet heroike të Z, O’Dwyer atë natë që rezultoi fatale, Charlott-ës së vogël i dhuruan përkrenaren e babait të saj dhe një medalje të shërbimit RFS e cila i ishte dhënë atij pas vdekjes.
Momente më vonë vajza e vogël qëndronte e ulur afër arkivolit të babait të saj duke ngrënë patatina dhe duke i’u sjellë sadopak buzëqeshjen asaj zije që kishte pllakosur.
Pafajësia e saj, përballë sfondit të pikëllimit që mbizotëronte në kishë është pikërisht ajo që babai i saj dhe mijëra zjarrfikës të tjerë në Australi kanë luftuar aq shumë për të mbrojtur gjatë muajve të fundit.
Zonja O’Dwyer duke mbajtur vajzën e saj në krahë I dha një puthje të fundit arkivolit ku dergjej bashkëshorti I saj dhe më pas e uli vajzën e saj posht që e ajo ti jepte lamtumirën e fundit të atit.
Në ditët pas vdekjes së burrit të saj, zonja O’Dwyer pranoi se ajo kurrë nuk e kishte menduar që do ta rriste e vetme vajzën e saj./Fjala.al/Përshtati:Kamela Liko/Burimi:DailyMail
