Mediet e huaja vazhdojnë t`i kushtojnë vëmendje të posaçme ngjarjes së pazakontë të vrasjes së çiftit shqiptar nga i ati i vajzës. E ndërsa po pritet që gjendja shëndetësore e vrasësit të përmirësohet, vazhdohet të flitet rreth jetës së autorit të krimit; një njeri problematik dhe dhunues por që asnjëherë nuk ishte konsideruar si person me probleme me drejtësinë në Australi.
Mediet kanë treguar se ish-bashkëshortja e tij ishte larguar vetëm për shkak të dhunës dhe se edhe e bija kishte kërkuar të njëjtën gjë nga ai dhe jeta; të ikte sa më larg të atit. Si duket kjo ‘braktisje’ ka bërë që shqiptari kërkojë edhe hakmarrjen e tmerrshme duke ekzekutuar të bijën dhe njeriun e jetës së saj,Vetonin.
Osman Shaptafaj, 55-vjeçari i cili qëlloi për vdekje vajzën e tij dhe dhëndrin në 31 dhjetor në Australi, është jashtë rrezikut për jetën. Sipas “Daily Mail”, nuk do të vonojë shumë që të dalë para gjykatës ku do të përballet me akuzën e vrasjes së dyfishtë.
Shaptafaj nuk jetonte me të bijën, e cila qe rritur vetëm me të ëmën. Siç është mësuar më vonë, thuhet se ajo kishte pasur një marrëdhënie të vështirë me të atin, të cilin dhe e kishte frikë.
Ajo po përpiqej të fillonte një jetë të re me të shoqin, Veton Musai, larg të atit. Por situata e tij së fundi është stabilizuar dhe autoritetet po shpresojnë që ta marrë sa më shpejt veten për ta çuar në sallën e gjyqit.
Në një postim të mëhershëm në Facebook, Shaptafaj shkruante: “Mund të më doni, apo të më urreni, të dyja janë në favorin tim. Nëse më doni, do të jem gjithmonë në zemrën tuaj; nëse më urreni, do të më keni gjithmonë në mendje”!
55-vjeçari jetonte vetëm 5 km larg të bijës, e cila, ashtu si dhe e ëma, ishte përpjekur ta mbante larg jetës së saj për shkak të trazirave që shkaktonte në familje. Burri nuk kishte precedentë të theksuar penalë, dhe vetëm një herë ishte ndaluar për drejtim mjeti në gjendje të dehur. Vëllai i Vetonit, Drilon Musai, ka bërë një postim mjaft prekës në rrjetet sociale.
Ai thotë se vëllai dhe nusja e tij ishin dy engjëj, ndërsa kujtimi i tyre nuk do të shuhet asnjëherë. “ Ju ishit zilia e të gjithëve, “ ka shkruar ai. “ Vetoni ishte vëllai im, shoku im më i mirë. Bota do të ishte një vend i mrekullueshëm nëse të gjithë do të kishin pikëpamjen tuaj për jetën”, thuhet ndër të tjera në mesazh. Fjala.al/
