Vazhdojnë dëshmitë në lidhje me ngjarjen horror që ka ndodhur mbrëmjen e së dielës në Mallakastër. Është kunati i viktimës i cili ka folur në lidhje me gjithçka di për atë masakër. Ndër të tjera ai ka theksuar se Luisi, nipi i tij është djalë i keq dhe se ka vjedhur edhe në shtëpinë e tij.
Mitat Saliaj, kunati i viktimës, Drita Saliaj shprehet për mediat, se 16-vjeçari që është edhe nipi i tij, që torturoi dhe mbyti 51-vjeçaren në rezervuar ishte përdorues droge.
Ai thotë se edhe banesa e tij është grabitur dhe dyshon te tre të rinjtë që vranë gruan e vëllait të tij. Konstatimin Saliaj e ka bërë sot kur është kthyer nga Greqia. Autorët-vijon më tej ai- kanë hyrë nga tavani brenda shtëpisë së tij.
“Isha te djali se jam operuar nga zemra. Nuk kuptoj gjë, sa erdha, hapa derën, pashë që e kanë shqyer kanë hyrë nga lart. Në shtëpi kisha 2-3 milion lekë mall. Nuk di gjë sa kanë marrë, di që më kanë humbur të gjitha veglat. Derën nuk e kanë hapur, kanë hyrë nga tavani. Policia nuk dinte gjë. Unë sapo jam kthyer nga Greqia.
Kur isha këtu unë vija njëherë në 15 ditë. Autorët, ky nipi, nuk ka qenë djali i mirë, por edhe të tjerët ashtu ishin. Ishte djalë i keq, drogë dhe të gjithë gjërat i ka bërë. Nuk ka qenë i dënuar më parë, të atin e ka brenda, po për drogë” tha ai. /Fjala.al/
