Një avion ‘Boeing 737’ i kompanisë ‘Ukraine International Airlines’, me rreth 180 pasagjerë është rrëzuar sot në Iran.
Irani ka refuzuar tu dorëzojë specialistëve ndërkombëtarë kutitë e zeza të avionit duke rritur dyshimet se avioni të jetë rrëzuar si pasojë e ndonjë sulmi terrorist.
Deklarata zyrtare e lëshuar nga Ukraina tregon se informacionet paraprake kanë qenë jozyrtare.
“Informacionet rreth asaj se çfarë mund të ketë shkaktuar rrëzimin e aeroplanit po sqarohen nga Komisioni. Çfarëdo deklarate që flet lidhur me shkaqet e aksidenti përpara vendimit të komisionit nuk është zyrtar”, thuhet në deklaratën e re të autoriteteve ukrainase.
Deklarata e parë që ishte publikuar në faqen e Ambasadës së Ukrainës e që është fshirë, ka përjashtuar sulmin terrorist si shkak të incidentit, duke thënë se informacionet preliminare flasin për një problem në motorin e aeroplanit.
Sipas FlightRadar24, shërbim për gjurmimin e fluturimeve raportohet se avioni u rrëzua dy minuta pas ngritjes. Presidenti ukrainas Volodymyr Zelensky, pas konfirmimit të viktimave u shpreh se po punohet për të sqaruar rrethanat e tragjedisë.
Është bërë i mundur identifikimi i viktimave, nga ku mësohet se 82 janë iranianë, 63 kanadezë, 11 ukrainas (përfshirë ekuipazhin), 10 suedezë, 4 afganë, 3 gjermanë dhe 3 britanikë./Fjala.al
