Policia ka bllokuar rrugën. Nuk lejon qytetarët të shkojnë në punën e tyre ndërkohë që ka nisur shembja. Madje edhe shpërthim i komanduar për një nga 5 objektet që sot kanë radhën të shemben. Policia është në mbështetje të IKMT-së që ende pa zbardhur ka hyrë në zonën e përgjumur. Aty askush nuk e ka pritur një sulm të tillë në këtë orë dhe në këtë ditë.
I kontaktuar nga gazeta “Fjala” një banor i “Unazës së Re” tha: “Na sulmuan në pabesi bandat e Edi Ramës. Edhe pse të zotët e atyre banesave kanë kryer largimin e mallit, problem mbetet ndërtesa që ka strehuar jo pak po 70 njerëz të dëbuar nga tërmeti. Si duket shteti dhe tërmeti janë njësoj”.
Sipas të dhënave është për tu shembur edhe ndërtesa që strehoi numrin më të madh të banorëve që pësuan dëme nga tërmeti i fundnëntorit të vitit të kaluar. Informacionet nuk japin asnjë të dhënë se çfarë do të bëhet me fatin e tyre.
