Ditën e nesërme në stadiumin “Air Albania” do të luhet ndeshja e yjeve të historisë së futbollit të Shqipërisë, Greqisë, Turqisë e Italisë.
Kjo ndeshje do të zhvillohet për të mbledhur sa më shumë të ardhura për të prekurit nga tërmeti i 26 janarit të vitit që kaloi.
Lojtarët që kanë shkruar historinë në futbollin e secilit shtet kanë rënë dakord që të luajnë në Shqipëri dhe paratë e bileta do të jepen për këtë kauzë.
Ndërkohë, tashmë bëhet me dije se të gjithë personat që do luajnë në skuadrat e katër shteteve do të udhëtojnë ditën e nesërme në orën 11:00 drejt Thumanës, që ishte edhe një nga zonat më të prekura nga tërmeti për të parë nga afër situatën dhe për t’u takuar me të prekurit e ngjarjes në fjalë.
Rikujtojmë sërish se ndeshja do të zhvillohet në orën 18:00, ku çmimet e biletave varjojnë nga 5000 deri në 1000 lekë të reja./Fjala.al/Katerina Tafa/
