Media amerikane raportojnë se Irani goditi gabimisht aeroplanin ukrainas me 176 persona që u rrëzua të mërkurën pranë Teheranit.
Sipas medieve amerikane, Boeing 737-800, Ukrainian Airlines International u godit nga një raketë.
Rrëzimi i avionit erdhi vetëm disa orë pasi Irani kreu sulme me raketa në dy baza ajrore që strehonin forcat amerikane në Irak.
CBS News duke cituar inteligjencën amerikane tha se një satelit zbuloi “goditjen” infra të kuqe të dy raketave, të ndjekura nga një tjetër goditje e një shpërthim.
Ndërkohë, Newsweek citoi një burim nga Pentagoni, gjithashtu një zyrtar të lartë të inteligjencës amerikane, por edhe një zyrtar të inteligjencës irakene duke thënë se ata ishin të bindur se avioni ukrainas u godit nga një raketë “Tor” e prodhuar nga Rusia.
Presidenti amerikan Donald Trump tha të enjten se “kam dyshimet e mia” mbi aeroplanin. “Dikush mund të ketë bërë një gabim,” tha presidenti Trump.
Burimi: BBC Përshtati Fjala.al
