4 ushtarë turq janë vrarë në Siri. Ushtarët janë vrarë një ditë më parë në Sirinë Veriore në një sulm me bombë ndërsa po kryenin kontrolle në rrugë.
Vrasjen e 4 ushtarëve turq, e konfirmoi Ministria turke e Mbrojtjes.
“Kjo është një dhimbje e madhe për ne, ku 4 dëshmorët tanë të shenjtë humbën jetën. Ngushëllime për familjet e pikëlluara dhe për kombin tonë fisnik, dhe për Forcat tona të Armatosura Turke”, thuhet në deklaratë.
Në muajin shtator, Turqia filloi operacionin ushtarak, i quajtur “Pranvera e Paqes” në zonat e Sirisë Veriore që kontrollohen nga kurdët. Ndërkaq, Damasku e shikon ofensivën turke si një shkelje të sovranitetit të Sirisë. Ndërsa vetë Turqia nga ana e saj i konsideron Njësitë e Mbrojtjes së Popullit Kurd ose YPG, si një organizatë terroriste./Fjala.al/
