Policia kufitare e Rinasit njofton arrestimin e një personi i cili po përpiqej të transferonte një shumë rreth 20-mijë euro nëpërmjet aeroportit të Rinasit.
27-vjeçari me inicialet F.K banues në Durrës, gjatë kontrollit iu gjetën në çantën e shpinës shuma monetare prej 20-mijë eurosh, të cilat ishin të padeklaruara në doganë.
Materialet në ngarkim të 27-vjeçarit u kanë kaluar prokurorisë ndërkohë që do të përballet me veprën penale “Mosdeklarim i vlerave monetare në kufi”.
Njofitmi i plotë i policisë
Rinas
Policia Kufitare e Rinasit parandalon një rast të transfertës së parave jashtë shtetit, në mënyrë të kundërligjshme.
Evidentimi, si rezultat i masave të shtuara, në zbatim të planit të masave për parandalimin dhe goditjen e paligjshmërisë.
Sekuestrohen 20000 euro, procedohet penalisht një 27-vjeçar. Shërbimet e Policisë Kufitare të Rinasit, në dalje të RSH-së, gjatë kontrolleve të ushtruara kanë përzgjedhur për kontroll në vijën e dytë, shtetasin F. K., 27 vjeç, banues në Durrës.
Gjatë kontrollit të ushtruar, shtetasit të lartpërmendur iu gjet në çantën e shpinës shuma monetare prej 20000 eurosh, që ishte e padeklaruar në doganë.
Në përfundim të veprimeve të para hetimore të kryera nga specialistët e Policisë Kufitare në Rinas, materialet në ngarkim të këtij shtetasi i kaluan prokurorisë, për veprime të mëtejshme, për veprën penale “Mosdeklarim i vlerave monetare në kufi”./Fjala.al
