Një varkë është fundosur me emigrantë në Greqi duke shkaktuar 12 viktima.
Ky është bilanci i deritanishëm i personave që kanë humbur jetën ndërkohë që shifra mund të rritet pasi mendohet se në varkë të kenë qenë së paku 50 persona, ku 21 prej tyre janë shpëtuar.
Varka u fundos këtë mëngjes në një zonë bregdetare, 13 milje në jugperëndim të Paxos-it.
Sipas informacioneve të fundit “vetë emigrantët, duke përdorur linjën 112, rreth orës 9.15 të mëngjesit, thërrisnin autoritetet për ndihmë.”
Në vendngjarje kanë mbërritur 6 anije shpëtuese dhe 2 helikopterë. Dyshohet se varka ishte nisur drejt Italisë.
