Partia Socialiste nuk heq dorë nga shakatë me veten në proces zgjedhor. Historia më e fundit vjen nga Puka ku kryetari i saj kandidon u vetëm prapë për të njëjtin post por nuk fiton.
Me sa duket kësaj here nuk ka patur vullnetarë për të mbushur kutitë me vota siç ndodhi me procesin e zgjedhjeve për pushtet lokal.
Sipas të dhënave bëhet me dije se ditën e djeshme janë zhvilluar zgjedhjet për kryetarin e Partisë Socialiste në Pukë. Por duket se në këtë qytet, edhe pse në garë ishte i vetëm kreu i deritanishëm, Marash Kolaj, nuk ka një fitues.
Kolaj i cili drejton PS-në e Pukës, prej dy mandatesh duket se nuk arriti të marrë shumicën e votave në zgjedhjet e kësaj të shtunë, teksa ka humbur me një diference të ngushtë postin që e mbante prej 8 vitesh. Kolaj duhet të merrte 50% të votave që të shpallej fitues.
Procesi zgjedhor i cili u monitorua nga i deleguari i PS në qendër Alfred Peza duket se do të sjelle në PS-në e Pukës komandimin e një prej anëtarëve të kryesisë deri në zgjedhjet e reja. /Fjala.al/
