Real Madrid fiton një trofe tjetër por kësaj radhe mbetet edhe shija e ëmbël e fitores në derby.
“Los Blancos” triumfuan në Arabi Saudite kundër Atletico Madrid pas penalltive, ndërkohë që 90 minutat tradicionale dhe 30 minutat shtesë nuk mjaftuan për të përcaktuar një fitues, por as bëri tifozët e shumtë të festonin ndaj një goli.
Ndeshja tregoi ekuilibër midis ekipeve të Zidane dhe Simeone, ku loja më e mirë e Realit balancoi rastet e shumta që pati Atletico.
Ndeshje ishte e tensionuar në fundin e saj, me një karton të kuq të Valverde ndaj një faulli të rëndë ndaj sulmuesit të Atletico, Morata, në kundërsulm.
Protagonist në minutat e fundit ishte portieri belg i Realit Thibaud Courtois, që shpëtoi në disa raste veçanërisht në minutat shtesë, si dhe gjatë penalltive, ku priti dy prej tyre.
Carvajal shënoi i pari për Real Madrid, ndërsa Saul Niguez gaboi. Rodrygo po ashtu u tregua i saktë për Realin e Madridit, ndërsa mesfushori i Atleticos, Thomas, gaboi. Luka Modric tregoi klas dhe saktësi në penalltinë e tij, ndërsa Trippier shënoi penalltinë e parë për Atleticon, duke çuar shifrat në 3-1.
Kapiteni Sergio Ramos kishte mundësinë të shënonte dhe të fitonte trofeun për Realin dhe veterani i mbrojtjes bëri pikërisht këtë gjë. Me një qetësi të jashtëzakonshme, kapiteni spanjoll shënoi dhe festa ishte e gjitha e Realit të Madridit./Fjala.al/
