Policia Italiane në Xhenova, në bashkëpunim me Agjencinë Doganore kanë sekuestruar 333 kilogramë kokainë të pastër, e cila vinte nga Brazili.
Droga mbërriti në portin italian e fshehur në disa shufra graniti. Operacioni me emrin “Samba 2020”, erdhi pas kontrolleve të shumta të ushtruara nga Guardia di Finanza ndaj kontenierëve që vinin nga Brazili, duke konstatuar një numër të madh shufrash graniti.
Mes shufrave ishte krijuar një hapësirë ku u gjetën 300 pako me drogë, me një total prej 333 kilogram kokaine të pastër, me vlerë prej 100 milion eurosh.
Policia italiane arrestoi katër persona të cilët po përpiqeshin të transportonin drogën, mes katër të arrestuarve dhe një shqiptar: J.M.J me kombësi kroatë, B.A me kombësi shqiptare, P.B.L me origjinë braziliane dhe C.G me origjinë italiane./Fjala.al
