Disa organizata kanë kritikuar praktikën e “kirurgjisë së riparimit të himenit” ose siç njihet ndryshe si himenoplastika, e cila i “rikthen” grave virgjërinë. Kjo praktike është konsideruar si një kulturë abuzimi dhe një formë e dhunës ndaj grave dhe vajzave.
Lisa Hallgarten, drejtuese e politikës dhe çështjeve publike në bamirësinë e shëndetit seksual, u pajtua se është “jo etike” dhe se “shërben për të forcuar dezinformimin e rrezikshëm mbi biologjinë”.
Aktualisht kirurgjia, e cila përfshin rikthimin e një shtrese të lëkurës në hyrje të vaginës e cila pasi “depërtohet”, rrjedh gjak kur një grua kryen marrëdhënie seksuale, konsiderohet si e ligjshme.
Natyra e përhapur e kësaj praktike vjen më së shumti nga gratë muslimane të cilat vihen nën presion nga familjet e tyre për t’iu nënshtruar operacionit para se të martoheshen.
Në Kuran muslimanët e pamartuar këshillohen kundër seksit para martesës.
Priten të merren nisma për ofrimin e arsimit publik mbi disa mite të pavërteta që qarkullojnë. Një concept I gabuar është se një himen ” i paprekur “duhet të jetë ende i pranishëm në çdo grua që nuk ka kryer marrëdhënie seksuale; dhe se çdo grua që nuk ka kryer marrëdhënie seksuale duhet të rrjedhë gjak herën e saj të parë”.
“Disa grave u del gjak pasi bëjnë seks për herë të parë, e disa të tjerave mund të mos u dalë. Të dyja këto situata janë krejtësisht normale.
“Himeni mund të depërtohet mjaft lehtë e para se një grua të bëjë seks për herë të parë, përmes aktiviteteve të tilla si kalërimi ose nga sportet e ndryshme.
“Të kesh një himen të çarë nuk do të thotë detyrimisht që një grua ka humbur virgjërinë e saj.”
Operacioni mund të kryhet brenda një ore duke përdorur anestezi lokale. Besohet se qindra pacientë e kalojnë këtë procedurë çdo vit në klinika private.
Në nëntor të vitit 2019, reperi i famshëm TI zbuloi se ai e çonte vajzën e tij 18-vjeçare tek gjinekologu çdo vit për të “kontrolluar himenin” e saj dhe për t’u siguruar që është “ende e paprekur”.
