Drejtoria e Përgjithshme e transportit Rrugor ka publikuar informacion hapat që duhet të ndjekë pronari i mjetit për të kryer çregjistrimin e përkohshëm. Sipas këtij njoftimi personi i interesuar për çregjistrim të përkohshëm të mjetit, pasi ka paguar detyrimet përkatëse për taksat e mjetit duhet të paraqitet pranë sporteleve të shërbimit më këto dokumente dhe duhet të paguajë një tarifë prej 4 mijë lekësh.
Dokumentet
Kërkesë për shërbim, e cila plotësohet pranë sporteleve
Dokument identifikimi, i cili pasi fotokopjohet nga punonjësi i shërbimit, ju kthehet përsëri
Lejen e qarkullimit të mjetit
Targat e mjetit
Pagesën e taksave deri në datën e çregjistrimit
Në rast humbje ose vjedhje të dokumenteve apo njërës targë duhet denoncimi nga Policia e Shtetit, nëse humbasin të dyja targat duhet vërtetim nga prokuroria, bën me dije DPSHTRR. Gjithashtu për këtë shërbim tarifa fikse është 1 mijë lekë, vazhdon informacioni.
Sipas DPSHTRR në rastet kur kërkohet ri-regjistrim i mjetit, personi i interesuar duhet të paraqitet pranë sporteleve të shërbimit më këto dokumente:
Kërkesë për shërbim, e cila plotësohet pranë sporteleve
Vërtetimin e çregjistrimit të përkohshëm
