Forcat politike janë ulur në një tryezë të përbashkët për arritjen e një marrëveshje për reformën zgjedhore, duke plotësuar kështu një nga kushtet e Bundestagut për hapjen e negociatave.
Katër të përzgjedhurit për takimin e sotëm janë, Damian Gjiknuri, bashkëkryetar i Komisionit të Posaçëm për Reformën Zgjedhore, përfaqësues i Partisë Socialiste, bashkëkryetarja tjetër e Komisionit të Posaçëm për Reformën Zgjedhore, Rudina Hajdari, përfaqësuese e opozitës parlamentare, si dhe Oerd Bylykbashi e Petrit Vasili përfaqësues të opozitës së bashkuar.
Bashan në një deklaratë për mediat ku zbuloi emrat e të përzgjedhurve, tregoi gjithashtu tre kushtet e maxhorancës: ” Miratim i reformës zgjedhore në mënyrë transparente, gjithëpërfshirëse, konsensuale mes partive politike.”, “Hartimi dhe diskutimi i reformës jashtë parlamentit në tryezën politike të partive.”, ” Miratimi pa ndryshime nga komisioni dhe Parlamenti i produktit konsensual të tryezës politike.”./Fajala.al
