Serbët nuk kanë të ndalur me provokimet e tyre kundrejt shqiptarëve të Kosovës. Madje, edhe në 21-vjetorin e Masakrës së Reçakut, serbët kanë provokuar me deklaratat se Kosova mbetet e Serbisë.
Pas këngës ultranacionaliste, të tenistit serb Novak Djokoviç kundër shqiptarëve të Kosovës, të njëjtin qëndrim ka mbajtur edhe i ati i tij.
Në një intervistë për mediat në Beograd, Srdjan Djokoviç deklaroi se djali i tij është nacionalist njësoj si vetë ai dhe i gjithë populli serb.
“Nuk është asgjë për t’u turpëruar, ne e duam popullin tonë dhe vendin tonë. Por ne nuk i urrejmë njerëzit e tjerë dhe vendet e tjera. Ju jeni ata që keni ardhur në vendin tonë dhe ju e dini se është vendi ynë i shenjtë, si Jeruzalemi për Judenjtë. Prandaj, ne do të jemi gjithmonë me Kosovën dhe popullin tonë atje dhe nuk mendoj se diçka do të ndryshojë në 10, 20, 100 ose një mijë vjet. Kosova do të jetë gjithnjë zemra e Serbisë “, përfundoi Srdjan Djokovic.
Tenisti serb Novak Djokoviç u shfaq para pak ditësh duke kënduar këngë ultranacionaliste anti-shqiptare pasi kishte fituar kampionatin e tenisit në Australi./Fjala.al/
