Një autoambulancë është parë në drejtorinë e Policisë Tiranë teksa ka ardhur me urgjencë në ambientet e këtij institucioni.
Nga fotot e para të dërguara në redaksinë e “Fjala.al”, shihet teksa ambulanca transporton një prej të ndaluarve nga policia të grupit prej 31 personave, mbrëmjen e djeshme.
Funksionarët publikë u ndaluan nga policia me akuzën se kanë miratuar leje ndërtimi para dhe pas tërmetit të 26 nëntorit, në mungesë dokumentacioni dhe në kundërshtim me ligjin.
Me sa duket, njëri prej tyre ka pasur probleme shëndetësore, ndërsa kanë mbërritur menjëherë në drejtorinë e Policisë grupi i mjekëve, siç shihet edhe nga fotot.
