Një përplasje me armë zjarri është regjistruar gjatë natës në Elbasan, ku për pasojë një i ri ka mbetur i plagosur.
Ngjarja ndodhi në lagjen “Kongresi i Elbasanit”, pranë stadiumit “Elbasan Arena”.
Burime policore bënë me dije se nga të shtënat ka mbetur i plagosur 22-vjeçari me inicialet K.P., i cili ndodhet në gjendje të rëndë në spital.
Të njëjtat burime pohojnë se ka qenë një makinë në lëvizje, e cila ka hapur zjarr ndaj të riut, duke e lënë atë të plagosur. Deri më tani nuk dihen rrethanat e konfliktit në fjalë, ndërsa policia po heton dhe ndodhet në vendin e ngjarjes.
Sipas të dhënave edhe i plagosuri ka qenë duke udhëtuar në mjerin e tij. Mjeti nga kanë dalë plumbat ka qenë në lëvizje e sipër. Policia mban sekret emrin e të plagosurit për të shmangë ndonjë vijim konflikti ndërkohë që asnjë e dhënë nuk është lejuar të dalë për ngjarjen.
Kujtojmë se Elbasani, e kryesisht vendi ku ka ndodhur prita ndaj të riut është një prej vendeve që prodhon më shumë e më atentate në vendin tonë. /Fjala.al/
