Studiuesit e hapësirës besojnë se ata janë në prag të provimit të ekzistencës së alienëve në universin tonë. Ata thanë se zbulimi i jetës jashtëtokësore tani është jo vetëm “i pashmangshëm”, por edhe “i menjëhershëm”.
Lajmet vijnë ndërsa dy sondat hapësinore po përgatiten të shkojnë drejt një Hëne misterioze të Jupiterit e cila ndodhet 390 milion milje larg nga Toka për të zbuluar rreth sipërfaqes së saj të akullt. “Zbulimi tani duket i pashmangshëm dhe ndoshta i afërt,” thotë studiuesi i Universitetit të Melbourne, Cathal O’Connell.
“Duket se zbulimi i ekzistencës së alienëve është i pashmangshëm, veçanërisht duke marrë parasysh që jeta u shfaq në Tokë, shumë shpejt pasi u formua planeti ”. Eksperti tha se nëse vërtetohet një herë e përgjithmonë që njerëzit nuk janë vetëm, kjo do të ndryshonte gjithçka.
“Nëse ky zbulim bëhet, do ta kthente botën e biologjisë përmbys,” tha O’Connell. “Një shembull i dytë i jetës, megjithatë, mund të përfaqësojë një gjenezë” të dytë “- krejtësisht të palidhur me ne.”
Nëse përfundimisht gjenden shenja jete në hënën e Jupiterit – kjo mund të nënkuptojë që Universi po përhapet me të huajt. “Kjo do të rrisë shumë shanset që, diku midis atyre miliarda planetëve të banueshëm në galaktikën tonë, të ketë diçka me të cilën ne njerëzit mund të komunikojmë,” tha O’Connell.
Sido që të jetë, Evropa e ngrirë mund të ketë të gjitha përgjigjet. Dhe kur sonda hapësinore Voyager 1 u ngrit në vitin 1979, shkencëtarët u mahnitën nga ato që panë./Fjala.al/Përshtati: Kamela Liko/Burimi: The Sun
