Sulmi iranian me raketa ndaj dy bazave ajrore amerikane duket se nuk ka qenë edhe aq pa dëm siç e shpjegoi presidentit amerikan Donald Trump.
Kështu, së fundmi, ushtria amerikane thekson se 11 pjesëtarë të saj janë plagosur nga sulmet e Iranit në një bazë të saj në Irak. Edhe pse Trumpi u shpreh se asnjë amerikan “nuk është plagosur” nga sulmi.
“Asnjë ushtar amerikan nuk është vrarë më 8 janar, por disa prej tyre kanë pësuar goditje në kokë”, tha zëdhënësi i Komandës Qendrore amerikane, Bill Urban.
Ai shtoi se ushtarët e plagosur janë dërguar për trajtim në Gjermani dhe Kuvajt dhe se do të kthehen në detyrë kur të vlerësohet se është e përshtatshme.
Rreth 1,500 ushtarë amerikanë kanë qenë në bazën Al-Assad në kohën kur u sulmua. Shumica e tyre kanë hyrë në bunkerë pasi janë njoftuar për raketat që janë hedhur.
Irani sulmoi dy baza të ushtrisë amerikane në Irak, si shenjë hakmarrjeje për vrasjen nga amerikanët me avion të telekomanduar të gjeneral, Kasem Sulejmani./Fjala.al/
