Një krim makabër është zbuluar në Panama teksa janë gjetur në një varr masiv trupat e gjashtë fëmijëve dhe një gruaje shtatzënë.
Një ditë para se të zbulohej ky krim i tmerrshëm, në këtë zonë ishin arrestuar 10 anëtarë të një sekti ungjillor, të njohur si ‘Drita e Re e Zotit’, i cili torturonte njerëz indigjenë.
Sipas autoriteteve, nëna shtatzënë ishte varrosur së bashku me fëmijët e saj, ndërsa të miturit që u gjetën në gropë të vdekur ishin të moshës nga 1 në 17 vjeç.
Gjatë bastisjes policia arriti të shpëtonte edhe 14 anëtarë të grupit indigjen të Ngabe Bugle. Anëtarët e grupit ishin lidhur dhe rrahur me shkopinj druri dhe Bibla.
The Bugabe Ngabe janë grupi më i madh indigjen i Panamasë, të cilët vuajnë nga një shkallë e lartë e varfërisë dhe analfabetizmit.
