Tre automjete janë përplasur me njëra-tjetrën në hyrje të Rrugës së Kombit dhe si pasojë kanë mbetur të plagosur dy persona.
Ngjarja ka ndodhur pasditen e sotme në Milot dhe të plagosurit janë dërguar në spitalin e Laçit.
Mësohet se njëri prej tyre ka marrë plagë të rënda në njërën këmbë.
Shkak i aksidentit dyshohet të jetë një parakalim i gabuar, ndërkohë që policia po punon për zbardhjen e rrethanave të ngjarjes.
