Niko Çepaj, i mbijetuari i pritës fatale që ndodhi mbrëmë në Vlorë gjendet në Spitalin Ushtarak që prej orëve të vona të së djeshmes. Sipas të dhënave të mjekëve ai ka marrë pesë plumba, ku më fatali është ai në kokë.
Mjekët kanë punuar përgjatë gjithë natës për ta mbajtur në parametra jetësor 36-vjeçarin, por mësohet se ka edhe 4 plumba të tjerë në trup, një në legen e tre në shpinë, ç`ka do të thotë se plumbat i ka marrë nga pas.
Policia pretendon se e ka bërë kryerjen e vendit të ngjarjes si duhet dukë bërë me dije se janë qëlluar mbi Niko Çetajn plot 15 plumba, plumba që kapën edhe kunatin e tij, vëllanë e gruas.
Shënjestra e atentatit mësohet se ka marrë mbiemrin e gruas e për pasojë edhe njihet me këtë mbiemër që kur u arrestua për plagosjen e mikut të tij dhe të shokëve të tij.
Sherri i para dy viteve kur u plagos Erlado (Roland) Danaj nisi për trafikun e drogës, ndonëse policia nuk bëri me dije asnjëherë shkakun real, ashtu siç nuk dihet se si mundi të dilte nga burgu i plagosuri i mbrëmshëm.
Policia e Vlorës bën me dije se ka shoqëruar me dhjetëra persona, konkretisht familjar të të gjitha palëve që janë në konflikt që prej 2018-s. Mësohet se janë pyetur edhe njerëzit Danajt, miqtë dhe të afërmit por ende nuk ka asnjë person të ndaluar! /Fjala.al/
