Xhevahir Jonuzi, u arrestua nga forcat RENEA në fshatin Hoshtimë të Vlorës, pasi ishte dënuar në mungesë me 25 vite burgim për vrasje, gjatë kohës që ka qenë në hetim për kultivim të lëndëve narkotike.
Hetimet ndaj Jonuzit janë pushuar në vitin 2019 nga gjykata e Vlorës, ndërkohë që të pandehurit për kultivim të drogës janë marrë prindërit e tij, por për shkak se i ati ka ndërruar jetë në fazën e hetimeve, çështja ndaj tij i ka kaluar të ëmës, Lejli Jonuzi.
Sipas dosjes së Prokurorisë Vlorë, janë siguruar fakte që pranë banesës së Lejli Jonuzit në fshatin Hoshtimë, janë kultivuar parcela me cannabis sattiva.
Nga të dhënat në rrugë operative janë siguruar përgjime fotografike, filmike, video në vende publike të Lejli Jonuzi. Në ambientin e jashtëm të oborrit të banesës të Lejli Jonuzit, janë vërejtur dy burra dhe një grua. Policia ka hyrë në territorin e brendshëm të banesës ku dhe është konstatuar kultivimi i cannabis sativa.
Përveç parcelës mbi tarracë janë gjetur disa thasë dhe dy bidona, mbuluar me qese plastike të zezë. Pas kontrollit në brendësi të banesës janë gjetur gjithashtu 2800 fara bime, 132kg në gjende të tharë të bimës, 167 kubike dhe 169 bimë të mbjella të gjitha të llojit cannabis sattiva./ Fjala.al
