Një ngjarje e rëndë ka ndodhur mbrëmjen e të dielës në Londër . Si pasojë e një përleshje në rrugë 3 persona mbetën të vdekur në vend ndërkohë që 2 të tjerë janë arrestuar si të dyshuar kryesorë të ngjarjes.
Ngjarja ka ndodhur në rrugën “Elmsteam”, ndërsa viktimat i përkasin moshës nga 20 deri në 30 vjeç. Personat e arrestuar përkatësisht 29 dhe 39 vjeç njiheshin me viktimat.
Zyrtari policor, Stephen Clayman, u shpreh në lidhje me këtë ngjarje se personat janë pjesë e komunitetit Sikh, religjion ky i cili e ka origjinën në Indi.
“Ne besojmë se personat e përfshirë në këtë rast janë pjesëtarë të komunitetit Sikh. Ajo ishte një skenë e tmerrshme dhe ne u shprehim ngushëllime familjeve dhe personave të prekur nga kjo ngjarje”, tha Clayamn./Fjala.al
