Shtatë ekspertë italianë do të bëhen pjesë e hetimeve për dëmet që la pas tërmeti i 26 nëntorit . Mësohet se ekipi i ekspertëve italianë ka mbërritur tashmë në Shqipëri dhe do të asistojë Prokurorinë e Durrësit në hetimet për tërmetin shkatërrimtar.
Ekspertët kanë qenë pjesë e hetimeve që nisën në Itali pas tërmetit në L’Aquila, ku gjithashtu pati viktima në njerëz e dëme të konsiderueshme materiale. Ata kanë zhvilluar sot një takim në Prokurorinë e Përgjithshme, ndërsa nesër do të zbarkojnë në Durrës.
Nga tërmeti i 26 nëntorit humbën jetën 51 persona, ndërsa shkatërroi qindra banesa në Tiranë, Durrës e Thumanë. Prokuroria ka nisur hetimet për veprat penale “Shpërdorim Detyre”, “Ndërtim pa leje” dhe “Dhënia e ndihmës për ndërtim pa leje” në disa qytete. /Fjala.al
