Presidenti i Kosovës, Hashim Thaçi ka dekretuar vendimin për të mandatuar kreun e Lëvizjes Vetëvendosje, Albin Kurtin për kryeministër të Kosovës.
Nëse Albin Kurti arrin të ndërtojë partneritet me LDK-në, Kosova mund të bëhet me Qeveri në javën e parë të shkurtit.
Në shkresën zyrtare thuhet se presidenti ka propozuar Albin Kurtin si mandatar për të formuar qeverinë e re, derisa theksohet se për të bërë këtë ka 15 ditë afat.
” Kandidati nga pika 1 e këtij Dekreti jo më vonë se pesëmbëdhjetë (15) ditë pas emërimit paraqet përbërjen e Qeverisë para Kuvendit të Republikës së Kosovës dhe kërkon miratim nga ana e Kuvendit”, theksohet në pikën e dytë dhe të fundit të këtij dokumenti.
Dekreti hyn në fuqi në datën e nënshkrimit që i bie sot (20.01.2020). Pak më parë, Kurti ka refuzuar që t’i shkojë në zyrë Thaçit për të marrë dekretin. /Fjala.al
