Shkencëtarët mendojnë se ata kanë identifikuar datën e saktë që një meteorit goditi Tokën dhe krijoi strukturën e tij më të vjetër të ruajtur.
Krateri “Yarrabubba” në Australinë perëndimore duket të jetë 200 milion vjet më i vjetër se sfiduesi i tij më i ngushtë, shkruajnë studiuesit.
Vendi u godit nga një meteorit 2.229 miliardë vjet më parë.
Në një shkrim të botuar në “Nature Communications”, studiuesit shprehen se arritën të gjenin datën me metoda teknologjike duke përdorur minerale të tronditur që u gjetën në krater.
Të arrish te gjesh datën e kratereve mund të rezultojë shumë e vështirë. Sipërfaqja e Tokës ndryshon me kalimin e kohës, pasi zhvendoset tektonika dhe materiali i erozionit, duke bërë që kraterat shumë të vjetër të jenë më të vështirë për t’u identifikuar.
Në atë kohë, në të njëjtin rajon, akullnajat po formoheshin dhe Toka ishte gjerësisht e mbuluar nga akulli. Simulimet sugjerojnë që nëse meteori që formoi kraterin të godiste një fletë akulli kontinentale, do të hidhte në atmosferë më shumë se 5000 trilionë kilogramë avull uji.
Kjo mund të ketë ndryshuar rrënjësisht klimën e Tokës, siç vunë re shkencëtarët. Mund edhe të ketë krijuar një efekt serë që i dha fund periudhës së njohur si “Toka e dëborës” që mbuloi planetin tonë kur mbërriti meteori.
“Yarrabubba, e cila ndodhet në Australinë perëndimore, ishte njohur si një strukturë ndikimi për shumë vite, por mosha e saj nuk ishte e përcaktuar mirë,” tha Chris Kirkland i universitetit Curtin, një nga autorët e studimit.
“Tani ne e dimë se krateri Yarrabubba u zhvillua menjëherë në fund të Tokës së hershme të Dëborës, në një kohë kur atmosfera dhe oqeanet po evoluonin dhe po bëheshin më të oksigjenuar dhe kur shkëmbinjtë e depozituar në shumë kontinente regjistruan kushte akullnajore”./Fjala.al/Burimi: The Indipendent