Emiljano Shullazit i është rrëzuar kërkesa për rivlerësimin e masës së sigurisë e bërë nga grupi i tij ditë më parë. Gjykata e Posaçme e Apelit ka lënë në burg Shullazin sipas një vendimi të marrë seancën që u zhvillua sot.
Këshilli i Lartë Gjyqësor, depozitoi një shkresë te gjyqtarët Artur Kalaja, Etleva Temo dhe Albana Boksi për të gjykuar procesin ndaj Emiljano Shullazit dhe grupit të tij.
Kërkesa e Shullazit dhe grupit të tij është bërë disa ditë më parë nga avokatët mbrojtës. Kjo kërkesë për rivlerësimin e masës së sigurisë është bërë me argumentin se Gjykata e Posaçme duhet t’i konfirmonte masat në momentin që ndryshoi statusin brenda një afati 10 ditor./Fjala.al
