Një ish-profesor i Universitetit Drexel, në Filadelfia dyshohet se ka abuzuar me fondin prej 185 mijë dollarë të marra nga shteti për kërkime shkencore. Ish-profesori dyshohet se e ka shpenzuar fondin në klube striptizmi dhe blerje personale.
Prokurorët thanë se Chika Nwankpa, 57-vjeç përdori 96-mijë dollarë të fondeve në klube striptizmi dhe bare midis viteve 2010-2017, ndërsa 89-mijë euro në blerje të rrobave online dhe ushqime.
Raportet nga dosja e Nwankpa tregonin se rreth 63% të transaksione të bëra nga ai kryheshin rreth orës 2-4 të mëngjesit dhe kryesisht gjatë fundjavave.
Profesori u la i lirë nga paraburgimi për akuzat e fundit këtë javë, pasi bëri një pagesë prej 25.000 dollarësh garanci dhe dorëzoi pasaportën e tij. Seanca dëgjimore është caktuar për 29 janar.
Ai mund të përballet me 14 vjet burg dhe të paguajë dhjetëra mijëra dollarë gjobë, nëse shpallet fajtor për të dyja akuzat../Fjala.al
