Sulmuesi i kombëtares shqiptare të futbollit, Rey Manaj është zyrtarizuar dhe prezantuar te klubi i Barcelona B. Kartoni i shqiptari i kushtoi katalanasve plot 700 mijë euro, duke firmosur deri në vitin 2023.
Në kontratën midis klubit dhe Manajt është vendosur dhe një klauzolë që shkon plot 50 milionë euro për klubet që duan ta marrin atë.
Pas zyrtarizimit sulmuesi ka postuar një foto në “Instagram” dhe shkruan në gjuhën katalanase se është shumë i lumtur që është bashkuar me një nga klubet më të mëdha në botë,
“Jam shumë i lumtur që fillova këtë fazë të re në Klubin më të mirë në botë! Barça live! Jam shumë i lumtur që fillova këtë fazë të re në Klubin më të mirë në botë! Rroftë Barça”-shprehet shqiptari.
Të shumtë kanë qenë ata që e kanë uruar Manajn në këtë post dhe një ndër ta është edhe mesfushori i Kombëtares që luan për skuadrën e Malagas, Keidi Bare i cili ka bërë shkaka me sulmuesin duke thënë se e mësoi shumë shpejt gjuhën.
“5 universitete ke, sa shpejt e mësove gjuhën”-komenton Bare./Fjala.al/
