Pasditen e së martës në vendin e quajtur “Bishti i zhurrit” në Rrogozhinë ka ndodhur një aksident.
Makina pasi ka dalë nga rruga, është përplasur me me bordurat dhe për pasojë ka gjetur vdekjen drejtuesi 22 vjeçar i automjetit.
Policia ka mbërritur në vendngjarje dhe po heton për zbardhjen e shkaqeve.
“Rreth orës 17:05 në aksin rrugor Rrogozhinë- Kavajë automjeti me drejtues shtetasin O. L.,22 vjeç, si shkak i një parakalimi të gabuar ka devijuar nga aksi rrugor duke u përplasur me trafikndarësen. Si pasojë e daljes nga rruga, ka ndërruar jetë drejtuesi i automjetit shtetasi O. L“, thuhet në njoftimin e policisë.
Muaji janar është karakterizuar nga aksidente të njëpasnjëshme. Edhe pse janë marrë masa më të forta nga ana e policisë për të mbajtur nën kontroll shpejtësinë tej normave të lejuara dhe konsumin e alkoolit, sërish numri i aksidenteve nuk është ulur.
