Është përmbysur rezultati i ndeshjes Skënderbeu-Partizani, ku korçarët kanë arritur që të marrin dy gola ndërsa kryeqytetasit ngelen vetëm me penalltinë e Bruno Telushit në minutë e shtatë të lojës.
Ishte autogoli i lojtarit të “Demave”, Enea Bitrit në minutën e 43-të të lojës, ai që i dha barazimin skuadrës së Ilir Dajës.
Vetëm tre minuta më vonë korçarët arritën që të përmbysnin rezultatin e lojës duke shënuar në portën e Partizanit.
Ishte Blerim Krasniqi ai i cili arriti të dyfishonte rezultatin e Skënderbeut dhe kaloi në avantazh skuadrën e tij.
Sormanin e ka filluar këtë ndeshje me Feratin titullar, që duhet theksuar se u afrua te “Demat” gjatë kësaj merkatoje, ndërsa në sulm është nxjerrë Solomon.
Ilir Daja nga ana tjetër ka zgjedhur si titullar Eni Imamin, i cili u largua nga Tirana për t’u bashkuar me korçarët.
Formacionet zyrtare:
Skënderbeu: Koliçi, Meksi, Dita, Pollozhani, Imami, Taipi, Elezi, Ndeki, Gripshi, Bregu, Krasniqi.
Partizani: Hoxha, Idrizaj, Bitri, Belica, Trashi, Broja, Telushi, Ferati, Bardhi, Çinari, Solomon./Fjala.al/Katerina Tafa/
