Forca të shumta policie, përfshirë ato speciale janë duke patrulluar mbrëmjen e sotme në qytetin e Vlorës. Raportohet se janë më shumë se pesë postblloqe që janë ngritur nga policia në akset kryesore të qytetit bregdetar, si dhe në rrugët hyrëse e dalëse.
Nuk janë vetëm efektivët e Policisë së Vlorës që po patrullojnë, por ata po mbështeten edhe nga forcat speciale.
Qëllimi i aksionit është kontrolli i makinave të dyshimta, me të cilat ka informacione se lëvizin persona të armatosur dhe me precedentë penal.
Deri më tani raportohet se janë disa persona të shoqëruar në komisariat, ku po i nënshtrohen verifikimeve./Fjala.al
